فلاي ليدي - baby steps - اليوم الثاني .
السلام عليكم ورحمة الله وبركاته
النهاردة معاد اليوم التاني مع خطوات فلاي ليدي
المفروض إننا نمنا إمبارح وإحنا منظفين الحوض وتم تلميعه
النهاردة هنضيف عادة بقي للروتين الصباحي وهي :
إنك تقومي تغيري هدومك وتلبسي لبس مريح غيراللي كنتي نايمة بيه ....
ودا طبعا بعد ما تغسلي وشك وتسرحي شعرك .
ومش بس كده - فلاي ليدي - بتنصح وبشدة انك تلبسي حذاء مخصص للمنزل .
يبقي نقوم نظبط نفسنا ونغير هدومنا ودي خطوة مهمة قبل ماتقومي بأي أعمال منزلية .
ليه لازم تعملي كده :
أسباب كتير منها تغيير الحالة المزاجية - الشعور بالاهتمام بنفسك - الشعور بالاحترافيه لأنك هتقومي بعمل مهم خلال اليوم -المحافظة علي القدم من التشققات .
فلاي ليدي بتنصح بإستخدام -sticky notes - علشان تفكري نفسك بالعادات الجديدة ليكي .
اكتبي نوتة وحطيها علي مراية الحمام علشان تفتكري .
يلا قومي غيري هدومك وأكتبي العادة الجديدة مع الروتين الصباحي .
إلي لقاء .
والسلام عليكم ورحمة الله وبركاته .
اناشغاله فبعمل كده واخرج مستنيه الخطوه الجايه ربنا يوفقق
ردحذف