البركة في البكور

عن صخر بن وداعة رضي الله عنه قال : قال رسول الله صلى الله عليه وسلم :
( اللهم بارك لأمتي في بكورها).

- لم أجد أكثر من هذا الحديث الشريف كحافذ لنا علشان نصحي بدري ، البركة هي أكثر حاجة فعلا محتاجينها في العصر دا اللي بقي  كل حاجة فيه بتسرق وتاكل في وقتنا .

- ودا اللي بيفرقنا عن أمهتنا ديما نسمع كلمة كان في بركة .

- مش محتاجة أعد لك كمية الفوايد للصحيان بدري أنت قارني حالتك وأنتي صاحية بدري وأخدتي وقتك للاستعداد لليوم وشربتي قهوتك تصفحتي الفيس و عملتي تمارين خفيفة بدأتي شغل البيت وخلصتي الغداء والغسيل ويومك ماشي بدون توتر ، وحالتك بقي لما تصحي متاخرة وبتجري حوالين نفسك ومش لاحقة تعملي حاجة متوترة ومتعصبة ومرهقة أكيد للغاية  .

- السؤال هنا المفروض أعمل ايه علشان أصحي بدري ؟

الصحيان بدري لازم يكون عادة يعني حاجة بتعمليها تلقائيا بدون وعي بتظبطي ساعتك الفيسيولوجية علشان يبقي الموضوع مريح مش متعب وتبقي طول اليوم بتتاوبي وعايزة تنامي ... يعني مش هنعملها لمجرد اننا عايزين نصحي بدري وخلاص .

أول خطوة هو القرار ........... تقرري انك عايزة تغيري نفسك وساعتك البيولوجية .

ثاني خطوة هي ورقة وقلم ..... تجيبي ورقة وقلم وتكتبي انتي بتصحي الساعة كام حاليا وبتنامي الساعة كام 

                                       وتكتبي هدفك عايزة تصحي الساعة كام وتنامي الساعة كام .

ثالث خطوة تحددي وقت ...... بناء علي مواعيدك الحالية تحددي عدد أيام هتوصلي ليها لهدفك وكل مرة تقللي

                                      نص   ساعة من معاد الصبح وتزودي نص من معاد بالليل .

مثال : انا بنام 12 وبصحي 10 

        يبقي اول يوم انام 11:30 وأصحي 9:30

هتعملي جدول بقي بالايام وتكتبي الصحيان بدري وتعلمي كل يوم عالمعاد اللي صحيتي فيه .

- حاجات هتساعدك علي تنفيذ العادة دي :

* العشاء يبقي خفيف وقبل النوم بفترة كويسة علشان تلحقي تهضمي وتنامي بعمق بدون تعب معدة.

*المنبهات زي القهوة والنيسكافية خليهم الصبح بدري علشان جسمك يلحق يتخلص منهم وتعرفي تنامي .

*جهزي مكان النوم بحيث انه يبقي مريح وهاديء علشان تنامي مرتاحة .

*فكري نفسك بأهدافك من الصحيان بدري ومميزات العادة دي في تظبيط حياتك .

*أشربي حاجة مهدئة زي الحليب أو الشاي الأخضر قبل النوم .

* حاولي تقفلي أي شاشات سواء موبايل أو لاب توب قبل النوم بساعتين وبلاش الموبايل وانتي نايمة عالسرير .

*أبعدي الموبايل عنك قليلا علشان تقومي تتحركي وانتي بتقفلي المنبه .

بس كده كفاية النهاردة .

إلي لقاء 

والسلام عليكم ورحمة الله وبركاته